KRIYA

Wednesday, 28 November 2012

special Kriya Techniques in Telugu


క్రియల అనుష్ఠానము
మేరుదండములో కుండలినీశక్తిని ఆనుకొనియున్నదే మూలాధార చక్రము లేక  సహదేవచక్రము.
మేరుదండములో రెండున్నర ( చూపుడువ్రేలు మొదటి కణుపు ) కణుపులపైన మేరుదండములో ఉన్నది  స్వాధిష్ఠానచక్రము లేక  నకులచక్రము, 
నాభి వెనకాల మేరుదండములోనున్నది మణిపురచక్రము అర్జున చక్రము.
హృదయము వెనకాలనున్నది అనాహతచక్రము, భీమచక్రము.  గొంతులోనున్నది విశుద్ధచక్రము, ధర్మరాజచక్రము.
రెండు కనుబొమ్మలమధ్య కూటస్థములోనున్నది ఆజ్ఞాచక్రము శ్రీకృష్ణ చక్రము.
తలకాయమధ్యలో బ్రహ్మరంధ్రముక్రిందనున్నది  సహస్రారచక్రము, పరమాత్మచక్రము. .
ప్రతిమనిషిలోను మూలాధార, స్వాధిష్ఠాన, మణిపుర, అనాహత, విశుద్ధ, ఆజ్ఞా మరియు సహస్రార అని కారణ చేతనకు నిలయములయిన ఆధ్యాత్మిక మేరుదండ సంబంధిత చక్రములు ఉంటాయి. వీటిలో మూలాధార, స్వాధిష్ఠాన, మణిపుర, అనే మొదటిమూడు సంసారచక్రములు. దీనిని కురుక్షేత్రము అంటారు. మణిపుర, అనాహత, విశుద్ధ అనే చక్రములను కురుక్షేత్ర ధర్మక్షేత్రము అంటారు. విశుద్ధ, ఆజ్ఞా మరియు సహస్రార చక్రములను ధర్మక్షేత్రము అంటారు.
శరీరములో ముడ్డి వద్ద  నున్న మూలాధారచక్రము నుండి ఈ మూడు నాడులు బయలుదేరి కనుబొమ్మల మధ్య వరకు కలిసి ప్రయాణిస్తాయి. ఇక్కడ ఇడా, పింగళ ఆగిపోతాయి. అక్కడినుండి ఒక్క సుషుమ్నానాడి మాత్రమె బ్రహ్మరంధ్రము క్రిందనున్న సహస్రార చక్రము వరకు ప్రయాణము చేయును.
మూలాధార చక్రమును ఆనుకొనిఉన్న కుండలినీ(ద్రౌపది) శక్తిని సాధన ద్వారా ఇడా, పింగళల మధ్యనున్న సుషుమ్నద్వారా మేరు దండములోని  మూలాధార, స్వాధిష్ఠాన, మణిపుర, అనాహత, విశుద్ధ మరియు ఆజ్ఞా చక్రములను దాటించి  ధర్మ క్షేత్రమైన సహస్రార చక్రమును ఆనుకొనియున్న బ్రహ్మరంధ్రమును చేర్చటమే సాధకుని గమ్యము. ఈ సాధనలోని అనుకూల మరియు ప్రతికూల స్థూల సూక్ష్మ కారణ శరీర శక్తుల అవరోధము/సంఘర్షణలే మహాభారత యుద్ధము. కుండలినీ(ద్రౌపది) మూలాధార, స్వాధిష్ఠాన, మణిపుర, అనాహత, విశుద్ధచక్రములను దాటటమే పంచపాండవులను వివాహమాడుట.
సాధకుడు మూడు నాడులను ఛేదించవలయును.
అందు మొదటిది బ్రహ్మగ్రంధి. ఇది  కురుక్షేత్రము లోని మూలాధార మునుండి మణిపూరకమువరకు వ్యాపించియున్నది. ఈ బ్రహ్మగ్రంధి   మానవచైతన్యమునకు సంబంధించినది.  భౌతికవిషయాసక్తియందు నిమగ్నమై సాధనలో ఏదో ఒక శారీరకబాధ కలగజేసి ముందుకు సాగనీయదు. ఆదినుండియున్న భౌతికశరీరమునకు శారీరకబాధ లుండటము సహజధర్మము. అందువలననే ఆదిభౌతిక శాంతి అనుటకు కారణము. ఇట్టి ఆదిభౌతిక శాంతికి ఆసనసిద్ధి అవసరము.
దీని తరువాతది మణిపురమునుండి పిట్యుటరీగ్రంథి వరకు వ్యాపించి యున్న కురుక్షేత్ర ధర్మక్షేత్రములోని రుద్రగ్రంధి. ఇది  మనస్సు అనగా సూక్ష్మశరీరమును ఆలోచనలవయిపు మళ్లించి  పూర్తిగా సాధన  చేయనీయదు. ఆదినుండియున్న సూక్ష్మశరీరమునకు ఆలోచనలబాధ లుండటము సహజధర్మము. అందువలననే ఆదిదైవిక శాంతి అనుటకు కారణము. ఇట్టి ఆదిభౌతిక శాంతికి ధారణసిద్ధి అవసరము.
దీని తరువాతది పిట్యుటరీగ్రంథినుండి సహస్రారము వరకు వ్యాపించి యున్న ధర్మక్షేత్రములోని విష్ణుగ్రంధి. ఇది  కారణశరీరమును ఆధ్యాత్మికతనుండి  మళ్లించి  పూర్తిగా సాధన  చేయనీయదు. ఆదినుండియున్నకారణశరీరమునకు ఈ బాధలుండటము సహజ ధర్మము. అందువలననే ఆదిదైవిక శాంతి అనుటకు కారణము. ఇట్టి ఆధ్యాత్మిక  శాంతికి ధ్యానసిద్ధి అవసరము.


మన శరీరములో 72,000 సూక్ష్మ నాడులు ఉన్నవి. వాటిలో ఇడా, పింగళా మరియు సుషుమ్నా ముఖ్యమైనవి. సుషుమ్నానాడి ముడ్డిలోనున్న మూలాధారము నుండి బ్రహ్మరంధ్రములోని సహస్రారము వరకు మేరుదండములో వ్యాపించియున్నది. జ్ఞానులు, యోగులు అయిన జీవన్ముక్తులు ఈ సుషుమ్నానాడి మార్గమున వెడలుదురు.
ఇడాసూక్ష్మనాడి మూలాధారమునుండి ముక్కురంధ్రము వరకు సుషుమ్నానాడికి ఎడమవైపున మేరుదండములో వ్యాపించి యున్నది. దీనినే చంద్రనాడి, పితృయాననాడి, లేదా కృష్ణయాననాడి అంటారు. ఆత్మజ్ఞానశూన్యులు, కర్మఫలమును ఆశించువారు ఈ ఇడాసూక్ష్మనాడి మార్గమున వెడలుదురు.
మూలాధారమునుండి ముక్కురంధ్రము వరకు సుషుమ్నానాడికి కుడివైపున మేరు దండములో వ్యాపించియున్ననాడి పింగళానాడి. దీనినే సూర్యనాడి, దేవయాననాడి, లేదా శుక్లయాన నాడి అంటారు. నిష్కామముతో కర్మఫలమును ఆశించక సకార్యములుజేయువారు ఈ పింగళానాడి మార్గమున వెడలుదురు.
సాధనకు ఉపక్రమించు పద్ధతి:తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.
రెండుకనులమధ్య లలాటమును చూపుడువేలును త్రిప్పి ఉంచి త్రాకించి ఉంచవలయును. నెమ్మదినెమ్మదిగా ఈవేలు గోరున్న భాగముయొక్క చివరను రెండు కళ్ళతో చూస్తూ పైకుత్తుతూ ఉండ వలయును. చూపుడువేలుచివర కనబడక ఉండిన చోట దృష్టి నిలిపి ఉంచవలయును. దీనినే కూటస్థములో దృష్టి నిలుపుట అంటారు.
యోగి, భోగి మరియు రోగి:
ఒక శ్వాస మరియు నిశ్వాస కలిపి ఒక హంస అంటారు. ఆరోగ్యకరమైన వ్యక్తి 24గంటలలో 21600 హంసలు తీసుకుంటాడు. అనగా ఒక నిమిషమునకు 15 హంసలు తీసుకుంటాడు.  వాడిని భోగి అంటారు. 15 హంసలకంటే ఎక్కువ తీసుకుంటే రోగి, తక్కువ తీసుకుంటే యోగి అంటారు.
సద్గురువులను ఆహ్వానించు పధ్ధతి:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.
మనస్సులో ఈ విధముగా చెప్పుకోవాలి.
ఓం కృష్ణా, రా నాయనా రా, నా హృదయ మందిరములో కూర్చో. నీ పాదపద్మములకు సాష్టాంగ నమస్కారము. నీపాదపద్మములు నాశిరస్సుపై ఉంచి నన్ను ఆశీర్వదించు. ఓం కృష్ణా, ఓం కృష్ణా, ఓం కృష్ణా. 
ఓం మహావతార్ బాబాజీ, రా నాయనా రా, నా హృదయ మందిరములో కూర్చో. నీ పాదపద్మములకు సాష్టాంగ నమస్కారము. నీపాదపద్మములు నాశిరస్సుపై ఉంచి నన్ను ఆశీర్వదించు. ఓం మహావతార్ బాబాజీ, ఓం మహావతార్ బాబాజీ, ఓం మహావతార్ బాబాజీ.
ఓం లాహిరీమహాశయ, రా నాయనా రా, నా హృదయ మందిరములో కూర్చో. నీ పాదపద్మములకు సాష్టాంగ నమస్కారము. నీపాదపద్మములు నాశిరస్సుపై ఉంచి నన్ను ఆశీర్వదించు. ఓం లాహిరీమహాశయ, ఓం లాహిరీమహాశయ, ఓం లాహిరీమహాశయ. 
ఓం శ్రీయుక్తేశ్వర్, రా నాయనా రా, నా హృదయ మందిరములో కూర్చో. నీ పాదపద్మములకు సాష్టాంగ నమస్కారము. నీపాదపద్మములు నాశిరస్సుపై ఉంచి నన్ను ఆశీర్వదించు. ఓం శ్రీయుక్తేశ్వర్, ఓం శ్రీయుక్తేశ్వర్, ఓం శ్రీయుక్తేశ్వర్.  ఓం గురు పరమహంస శ్రీ యోగానందస్వామీజీ, రా నాయనా రా, నా హృదయ మందిరములో కూర్చో. నీ పాదపద్మములకు సాష్టాంగ నమస్కారము. నీపాదపద్మములు నాశిరస్సుపై ఉంచి నన్ను ఆశీర్వదించు. ఓం గురు, ఓం గురు, ఓం గురు.
ఓ దివ్య సద్గురువులారా, నేను మీనామస్మరణ నిత్యమూ జపించేటట్లు, నాకు మీయడల ఎళ్ల వేళలా, శ్రద్ధ, భక్తి, ప్రేమ, ఆప్యాయత, గౌరవం, నమ్మకం, నమ్రత, వినయం, విధేయత, విశ్వాసం ఉండేటట్లుగా నన్ను ఆశీర్వదించండి. 
 సద్గురుదేవుల ఆశీస్సులతో మనఃశాంతి,ఆత్మస్థైర్యం మరియు సరియైన ఆలోచనాసరళి కలుగును.  
రోజు మొత్తములో24గంటలలో 
మూలాధరచక్రములో 96 నిమిషములలో 600 హంసలు, స్వాధిష్ఠానచక్రములో  144 నిమిషములలో 6000 హంసలు, మణిపురచక్రములో  240 నిమిషములలో  6000 హంసలు, అనాహతచక్రములో 288 నిమిషములలో 6000 హంసలు, విశుద్ధచక్రములో  384 నిమిషములలో  1000 హంసలు, ఆజ్ఞాచక్రములో 48 నిమిషములలో  1000 హంసలు,
సహస్రార చక్రములో  240 నిమిషములలో  1000 హంసలు, జరుగును. .
96+144+240+288+384+48+240నిమిషము=24గంటలు=ఒక రోజు. 

తాబేలు 24గంటలలో అతితక్కువ  హంసలు చేసి ఎక్కువ కాలము జీవిస్తుంది. 
ధ్యానసమయములో హంసలు సాధ్యమైనంత దీర్ఘముగా ఉండ వలయును.
కూటస్థములో లేక సహస్రారములో దృష్టి నిలిపి ధ్యానము చేయాలి. ధ్యానములో ఏ మంత్రము ఉచ్ఛరించ నవసరము లేదు.
ఓంకారము వినబడితే ఆ శబ్దములో మమైకం అవ్వాలి.
తెల్లటి కాంతి కనబడినయడల దానిని కేవలము గమనించుతూ ఆ కాంతిలో మమైకం అవ్వాలి.  
మూడవ నేత్రము కనబడిన, మొదట పసుపు రంగుని, తరువాత నీలమురంగుని, ఆపిమ్మట వెండి నక్షత్రమును గమనించుతూ ఆ నక్షత్రములో మమైకం అవ్వాలి.
కూటస్థములో దృష్టి నిలిపి ధ్యానము చేయునపుడు సహస్రారము నకు మనస్సు, దృష్టి లాగబడితే దానిమీదనే దృష్టి నిలిపి ధ్యానము చేయాలి.
సమాధి స్థితి:
సమ అధి అనగా పరమాత్మతో సమమగుట అనగా లయమగుట. అది ప్రతి సాధకుని విధి. కుండలినీ జాగృతియైన తదుపరి, శిరస్సు పైన బరువుగా స్పందనలు మేరుదండములో గిలిగింతలు, కలగటము, మెడ ప్రాంతములో గుచ్చుకున్నట్లు,  ఎవరో పిలుస్తున్న ట్లు, భుజముమీద చేయివేసినట్లు, పక్కన ఎవరో కూర్చున్నట్లు అని పించటము,  బిగ్గరగా ఓంకారము వినిపించటము సర్వసాధారణము. ఇవి భరించలేనియడల పృధ్వీ ముద్రవేసికొని మూలాధారచక్రములో ధ్యానము చేయవలయును.
శ్రద్ధ, వీర్య, స్మృతి మరియు సమాధిల ద్వారా ఓంకారమును సాధించ వలయును.
శ్రద్ధ అనగా హృదయము యొక్క స్వభావసిద్ధమైన ప్రేమ భావము.
వీర్య అనగా నీతి బాహుళ్యము.
స్మృతి అనగా సద్భావన
సమాధి నిశ్చలమైన ఏకాగ్రత.
వీర్యను యమ నియమములద్వారా సాధించవలయును.

ధ్యానము వలన సర్వ రోగములు వినాశమగును.
ఆయా చక్రములో చేయు ధ్యానము వలన కలుగు ఉపయోగములు ఈ క్రింద పట్టికలో ఇవ్వబడినవి:
చక్రము
రోగ వినాశము
మూలాధారం
సైనసైటిస్, జలుబు, మలబద్దకము, డయోరియా, లిమ్ఫ్ సిస్టంలు, ప్రోస్ట్రేట్ గ్లాన్డ్స్, ఎముకలు, మనస్సు కి సంబంధించిన రోగముల నివారణ. 
స్వాధిష్ఠాన
యూరినో జెనిటల్ సిస్టంలు, వెన్నెముక, అపెండిక్స్,   నాలుకకి సంబంధించిన రోగముల నివారణ, కోప నిర్మూలన
మణిపుర
చక్కెరవ్యాధి, పక్షవాతము, ప్లీహము, కళ్ళు, ముడ్డి, పొట్ట, నెగటివ్ ఆలోచనల నిర్మూలన, శాంతి మరియు సద్భావన. 
అనాహత
ఉబ్బసము, శ్వాస సంబంధిత రుగ్మతలు, పిచ్చి, వ్యాకులత, హృదయమునకు సంబంధించిన రోగముల నివారణ. రోగనివారణశక్తిని పెంచుట, రక్త శుద్ధీకరణ, ద్వేష మరియు నేరపూరిత భావనివారణ, ప్రేమ ఆప్యాతలను పెంచుట 
విశుద్ధ
ఉబ్బసము,శ్వాస సంబంధిత రుగ్మతలు, అల్లెర్జీ, క్షయ, ఆర్థరైటిస్, కి సంబంధించిన రోగముల నివారణ. ఆత్మహత్యచేసికుందామనే భావ నివారణ
ఆజ్ఞానెగటివ్
పీనల్ గ్లాన్డ్స్, కి సంబంధించిన రోగముల నివారణ. మానసిక బలహీనతను తొలగించుట, సప్త ధాతువులను బలోపేతము చేయుట, మంచి సంతాన ప్రాప్తి.
ఆజ్ఞాపాజిటివ్
తలకాయనొప్పులు, టెన్షన్, కాన్సర్, డిప్రెషన్, ద్వేషము, రోగముల నివారణ. జ్ఞాపకశక్తి పెంపొం దించుట, సెంట్రల్ నర్వస్ సిస్టంను బలోపేతము చేయుట, 
సహస్రార
మొత్తం నర్వస్ సిస్టంను బలోపేతము చేయుట, వీర్య వృద్ధి


సమాధి లభ్యమగువరకు కూటస్థములోదృష్టి నిలిపి అధిచేతనావస్థలో దీర్ఘ హంసలు చేస్తూ ఉండవలయును. ఒక హంసకు ఇంకొక హంసకు మధ్య తమతమ సామర్థ్యమునుబట్టి శ్వాసను అట్టిపెట్టి ఉంచ వలయును. 
సమాధి లభ్యమయిన తదుపరి తిరిగి భౌతికస్థితిలోనికి వచ్చువరకు దానిని అనుభవించవలయును.
ఈ ద్వాదశ క్రియలలో ప్రతిక్రియయొక్క ప్రారంభమునకు ఈపై ఉపక్రమ గుర్తుంచుకొనవలయును. చేయవలయును. తదుపరి సాధనకు ఉపక్రమించవలయును.

                      **************
1) టెన్షన్(Tension)మరియు డిప్రెషన్(depression) లను తొలగించు క్రియ:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.

)అవచేతనావస్థ, నిద్రా వస్థ లేక స్వప్నావస్థ,:
    అయిదు నిమిషములు మెడ క్రిందకువంచి కూటస్థములో దృష్టి నిలిపి ధ్యానము చేయవలయును.
) చేతనావస్థ లేక  జాగ్రతావస్థ:
     పది నిమిషములు మెడ నిఠారుగా ఉంచి కూటస్థములో దృష్టి నిలిపి ధ్యానము చేయవలయును.
)సుషుప్తావస్థ , తురీయావస్థ లేక అధిచెతనావస్థ:
పదిహేనునిమిషములు మెడ వెనకకుకు వంచి కూటస్థములో దృష్టి నిలిపి  లింగముద్ర లేక జ్ఞానముద్ర వేసికొని  ఖేచరీ ముద్రలో  ధ్యానం చేయాలి.
 
2) కన్ను, ముక్కు, చెవి, నాలుక మరియు చర్మము అనే పంచ జ్ఞానేంద్రియములను మూయుట, వాటి శక్తులను పెంచుట:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.

పృధ్వీముద్ర వేసికోవాలి. మూలాధారచక్రము టెన్స్(Tense)చేసి దాని మీద మనస్సు ఉంచాలి. నాలుగు దీర్ఘహంసలు చేయండి. మూలా ధారము పృధ్వీతత్వమునకు ప్రతీక. గంధ అనగా వాసనకు ప్రతీక. ముక్కువద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
ఇప్పుడు స్వాధిష్ఠానచక్రము(Tense)చేసి దానిమీద మనస్సు ఉంచాలి. వరుణముద్ర వేసికోవాలి. ఆరు దీర్ఘహంసలు చేయండి. స్వాధిష్ఠానము రసతత్వమునకు ప్రతీక. అనగా రుచికి ప్రతీక. నాలుక వద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది. 
ఇప్పుడు మణిపురచక్రము(Tense)చేసి దాని మీద మనస్సు ఉంచాలి. అగ్నిముద్ర వేసికోవాలి. పది దీర్ఘహంసలు చేయండి. మణిపురచక్రము అగ్ని తత్వమునకు ప్రతీక. అనగా రూప(చూచుట)కు ప్రతీక. కన్నువద్ద యున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది. 
ఇప్పుడు అనాహతచక్రము(Tense)చేసి దాని మీద మనస్సు ఉంచాలి. వాయుముద్ర వేసికోవాలి. పన్నెండు దీర్ఘహంసలు చేయండి. అనాహతచక్రము వాయుతత్వమునకు ప్రతీక. అనగా స్పర్శకు ప్రతీక. చర్మముయొక్క కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది. 
ఇప్పుడు విశుద్ధచక్రము(Tense)చేసి దాని మీద మనస్సు ఉంచాలి. ఆకాశ లేక శూన్యముద్ర వేసికోవాలి. పదహారు దీర్ఘహంసలు చేయండి. విశుద్ధచక్రము ఆకాశతత్వమునకు ప్రతీక. ఆకాశ అనగా శబ్దమునకు ప్రతీక. చెవివద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది. 
విశుద్ధచక్రము(Tense)చేసి దాని మీదనే మనస్సు ఉంచాలి. ఆకాశ లేక శూన్యముద్ర లోనేయుండి పదహారు దీర్ఘహంసలు తిరిగి చేయండి.  చెవివద్ద యున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
ఇప్పుడు తిరిగి అనాహతచక్రము(Tense)చేసి దాని మీదనే మనస్సు ఉంచాలి. వాయుముద్ర వేసికోవాలి. పన్నెండు దీర్ఘహంసలు తిరిగి చేయండి. చర్మముయొక్క కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
ఇప్పుడు తిరిగి మణిపురచక్రము(Tense)చేసి దాని మీదనే మనస్సు ఉంచాలి. అగ్నిముద్ర వేసికోవాలి. పది దీర్ఘహంసలు తిరిగి చేయండి.  కన్నువద్ద యున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
ఇప్పుడు తిరిగి స్వాధిష్ఠానచక్రము(Tense)చేసి దాని మీదనే మనస్సు ఉంచాలి. వరుణముద్ర వేసికోవాలి. ఆరు దీర్ఘహంసలు తిరిగి చేయండి.  నాలుక వద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
ఇప్పుడు తిరిగి పృధ్వీముద్ర వేసికోవాలి. మూలాధారచక్రము (Tense)చేసి దాని మీదనే మనస్సు ఉంచాలి. నాలుగు దీర్ఘహంసలు తిరిగి చేయండి. ముక్కువద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
ఈ క్రియ వలన జ్ఞానేంద్రియములు బలోపేతమై, కోల్పోయిన శక్తులను తిరిగి పుంజుకొని శక్తివంతమగును.
కూటస్థములో దృష్టి నిలిపి లింగముద్ర లేక జ్ఞానముద్రవేసికొని     ఖేచరీ ముద్రలో  ధ్యానం చేయాలి.
3)సహస్రారచక్రము తప్ప అన్నిచక్రములలోనూ ఓంకారోచ్ఛారణ:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.

పృధ్వీముద్ర వేసికోవాలి. మూలాధారచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు వరుణముద్ర వేసికోవాలి. స్వాధిష్ఠానచక్రము(Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు అగ్నిముద్ర వేసికోవాలి. మణిపురచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు వాయుముద్ర వేసికోవాలి. అనాహతచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు శూన్యముద్ర వేసికోవాలి. విశుద్ధచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు జ్ఞానముద్ర వేసికోవాలి. ఆజ్ఞా+ చక్రము(Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు జ్ఞానముద్ర వేసికోవాలి. ఆజ్ఞా - చక్రము(Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి జ్ఞానముద్ర వేసికోవాలి. ఆజ్ఞా+ చక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి జ్ఞానముద్ర వేసికోవాలి. ఆజ్ఞా - చక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి శూన్యముద్ర వేసికోవాలి. విశుద్ధచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి వాయుముద్ర వేసికోవాలి. అనాహతచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి అగ్నిముద్ర వేసికోవాలి. మణిపురచక్రము (Tense)చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి వరుణముద్ర వేసికోవాలి. స్వాధిష్ఠానచక్రము (Tense) చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు తిరిగి పృధ్వీముద్ర వేసికోవాలి. మూలాధారచక్రము (Tense) చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఇప్పుడు ఒక చుట్టు(Cycle)అయినట్లు లెక్క.
తిరిగి పృధ్వీముద్ర వేసికోవాలి. మూలాధారచక్రము (Tense) చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి. ఈ విధముగా అయిదు(Cycles)చుట్లు పూర్తిచేసి ఆరవ చుట్టు(Cycle)లో  జ్ఞానముద్ర వేసికోవాలి. ఆజ్ఞా+ చక్రము (Tense) చేసి దాని మీదనే మనస్సు ఉంచాలి. దీర్ఘముగా ఓం అని ఓంకారోచ్ఛారణ చేయాలి.
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.

4)కర్మదగ్ధక్రియ:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.
సహస్రారములో దృష్టి నిలిపి దీర్ఘముగా ఓం అని 108 పర్యాయములు ఓంకారోచ్ఛారణ చేయాలి.
ఎదురుగా జ్ఞానాగ్ని గుండము ఉన్నదని భావించాలి.
యథైదాంసి సమిద్ధోగ్నిభస్మసాత్ కురుతోర్జున
జ్ఞానాగ్ని సర్వకర్మాణిభస్మసాత్ కురుతె తథా
అని గీతా శ్లోకము చదవాలి.
పిమ్మట మూడుసార్లుగా హృదయమునుండి సంచిత కర్మలను తీసి ఎదురుగాఉన్న జ్ఞానాగ్ని గుండములో స్వాహా అని ఆహుతి చేయాలి..
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.
  
5) చక్రములలో ధ్యానము.:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.
పృధ్వీముద్ర వేసికోవాలి. మూలాధారచక్రము టెన్స్(Tense)చేసి దాని మీద మనస్సు ఉంచాలి. నాలుగు దీర్ఘహంసలు చేయండి. మూలా ధారము పృధ్వీతత్వమునకు ప్రతీక. గంధ అనగా వాసనకు ప్రతీక. ముక్కువద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
పసుపు రంగు, తియ్యటి ఫలముల రుచి, ఝం అని భ్రమరము శబ్దముల అనుభూతి కలుగును.
ముడ్డిక్రింద మూడున్నర చుట్టలు చుట్టుకొనియున్న కుండలినీశక్తియే ద్రౌపది. కుండలినీశక్తిని సమిష్టిలో మాయ, వ్యష్టిలో కుండలినీ అంటారు.
మూలాధారచక్రమును వ్యష్టిలో పాతాళలోకము, సమిష్టిలో భూలోకము అంటారు.  మేరుదండములో శేషనాగుమాదిరిగానున్న జాగృతిచెందిన కుండలినీ శక్తి  సాధనలో మూలాధారచక్రమును తాకటము వలన ఆచక్రమును శేషాద్రి అంటారు. మూలాధారచక్రము మహాభారతములో సహదేవునికి ప్రతీక. సహదేవుడు అంతః శత్రువులను ప్రతిఘటించుటకు తోడ్పడతాడు.
ఇక్కడి సాధన ఇచ్ఛాశక్తిని బలోపేతము చేస్తుంది. ధ్యానఫలమును ఓం శ్రీ విఘ్నేస్వరార్పణమస్తు అని ఆ అధిదేవతకు అర్పించాలి.
మూలాధార, స్వాధిష్ఠాన, మణిపుర మరియు అనాహత చక్రములలో లభ్యమగు సమాధిలను సంప్రజ్ఞాత సమాధి అంటారు.   
విశుద్ధ, ఆజ్ఞా(కూటస్థ) మరియు సహస్రారచక్రములలో లభ్యమగు సమాధిలను అసంప్రజ్ఞాత సమాధి అంటారు.
సాధనలో కుండలిని మూలాధార, స్వాధిష్ఠాన, మణిపుర మరియు అనాహత చక్రములలో జాగృతి కలిగినప్పుడులభ్యమగు సమాధి పరమాత్మ ఉన్నాడా లేదా అనే సందేహమును పూర్తిగా తొలగించదు. అందువలన అటువంటి సందేహాస్పద సమాధిలను సంప్రజ్ఞాత సమాధి అంటారు.  
సాధనలో కుండలిని విశుద్ధ, ఆజ్ఞా(కూటస్థ) మరియు సహస్రారచక్రములలో జాగృతి కలిగినప్పుడులభ్యమగు సమాధి .సందేహమును పూర్తిగా తొలగించును. పరమాత్మ ఉన్నాడు అని ధృవపరచును. అందువలన అటువంటి సందేహరహిత  సమాధిలను అసంప్రజ్ఞాత సమాధి అంటారు.
ఇప్పుడు స్వాధిష్ఠానచక్రము(Tense)చేసి దానిమీద మనస్సు ఉంచాలి. వరుణముద్ర వేసికోవాలి. ఆరు దీర్ఘహంసలు చేయండి. స్వాధిష్ఠానము రసతత్వమునకు ప్రతీక. అనగా రుచికి ప్రతీక. నాలుక వద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
స్వాధిష్ఠానచక్రమును వ్యష్టిలో మహాతలలోకము, సమిష్టిలో భువర్ లోకము అంటారు. 
తెలుపు రంగు, మాదిరి చేదు రుచి, పిల్లనగ్రోవి శబ్దముల అనుభూతి కలుగును. వేద అనగా వినటము.
జాగృతిచెందిన కుండలినీ శక్తి  సాధనలో స్వాధిష్ఠానచక్రమును తాకటము వలననూ, పవిత్రమయిన పిల్లనగ్రోవి శబ్దము వినిపించుటవలననూ, ఆచక్రమును వేదాద్రి అంటారు. స్వాధిష్ఠానచక్రముమహాభారతములో నకులునికి ప్రతీక. నకులుడు ఆధ్యాత్మికతకు అతుక్కునేటందులకు తోడ్పడతాడు.
ఇక్కడి సాధన క్రియాశక్తిని బలోపేతము చేస్తుంది.  ధ్యానఫలమును ఓం శ్రీబ్రహ్మార్పణమస్తు అని ఆ అధిదేవతకు అర్పించాలి.
ఇప్పుడు మణిపురచక్రము(Tense)చేసి దాని మీద మనస్సు ఉంచాలి. అగ్నిముద్ర వేసికోవాలి. పది దీర్ఘహంసలు చేయండి. మణిపురచక్రము అగ్ని తత్వమునకు ప్రతీక. అనగా రూప(చూచుట)కు ప్రతీక. కన్నువద్ద యున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
మణిపురచక్రమును వ్యష్టిలో తలాతలలోకము, సమిష్టిలో స్వర్ లోకము అంటారు. 
ఎరుపు రంగు, చేదు రుచి, వీణశబ్దముల అనుభూతి కలుగును.  
జాగృతిచెందిన కుండలినీ శక్తి  సాధనలో మణిపురచక్రమును తాకటము వలననూ,జ్ఞానా(గ) రూఢుడు అగుటవలననూ, ఆచక్రమునుగరుడాద్రి  అంటారు. మణిపురచక్రము మహాభారతము లో అర్జునుడికి  ప్రతీక. అర్జునుడు ఆత్మ నిగ్రహశక్తికి   తోడ్పడతాడు.
ఇక్కడి సాధన జ్ఞానశక్తిని బలోపేతము చేస్తుంది.  ధ్యానఫలమును ఓం శ్రీవిష్ణు దేవార్పణమస్తు అని ఆ అధిదేవతకు అర్పించాలి.
ఇప్పుడు అనాహతచక్రము(Tense)చేసి దాని మీద మనస్సు ఉంచాలి. వాయుముద్ర వేసికోవాలి. పన్నెండు దీర్ఘహంసలు చేయండి. అనాహతచక్రము వాయుతత్వమునకు ప్రతీక. అనగా స్పర్శకు ప్రతీక. చర్మముయొక్క కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది.
అనాహతచక్రమును వ్యష్టిలో రసాతలలోకము, సమిష్టిలో మహర్ లోకము అంటారు. 
నీలంరంగు, పులుపు రుచి, గుడిగంటశబ్దముల అనుభూతి కలుగును.  
జాగృతిచెందిన కుండలినీ శక్తి  సాధనలో అనాహతచక్రమును తాకటము వలననూ, శరీరము తేలిక అగుటవలననూ, ఆచక్రమును అంజనాద్రి అంటారు.
అనాహతచక్రము మహాభారతము లో భీమునికి  ప్రతీక. అర్జునుడు ప్రాణశక్తి నియంత్రణకి   తోడ్పడతాడు.
ఇక్కడి సాధన బీజశక్తిని బలోపేతము చేస్తుంది.  ధ్యానఫలమును ఓం శ్రీరుద్రార్పణమస్తు అని ఆ అధిదేవతకు అర్పించాలి.
ఇప్పుడు విశుద్ధచక్రము(Tense)చేసి దాని మీద మనస్సు ఉంచాలి. ఆకాశ లేక శూన్యముద్ర వేసికోవాలి. పదహారు దీర్ఘహంసలు చేయండి. విశుద్ధచక్రము ఆకాశతత్వమునకు ప్రతీక. ఆకాశ అనగా శబ్దమునకు ప్రతీక. చెవివద్దయున్న కర్రెంట్లు ఉపసంహరించబడి సుషుమ్నా ద్వారా సహస్రారమునకు పంపబడుతుంది. 

విశుద్ధచక్రమును వ్యష్టిలో సుతలలోకము, సమిష్టిలో జన లోకము అంటారు.  పాలనురుగురంగు, కాలకూట విషములాంటి చేదురుచి, జలపాతము యొక్క ప్రవాహము వంటిశబ్దముల అనుభూతి కలుగును.  
జాగృతిచెందిన కుండలినీ శక్తి  సాధనలో విశుద్ధచక్రమును తాకటము వలననూ, సంసార చక్రములనుండి విముక్తి పొంది బాధ్యతలేని వృషభము మాదిరి పరమాత్మవైపు పరిగెత్తుటవలననూ, ఆచక్రము ను వృషభాద్రి అంటారు.
విశుద్ధచక్రము మహాభారతములో ధర్మరాజుకి  ప్రతీక. ధర్మరాజు శాంతి, ప్రశాంతికి   తోడ్పడతాడు.
ఇక్కడి సాధన ఆదిశక్తిని బలోపేతము చేస్తుంది.  ధ్యానఫలమును ఓం శ్రీఆత్మార్పణమస్తు అని ఆ అధిదేవతకు అర్పించాలి.
ద్రౌపది(కుండలినీ శక్తి) ఈ పై అయిదు చక్రములను దాటటమే పంచపాండవులను వివాహమాడుట.
ఇప్పుడు ఆజ్ఞా నెగటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. పదునెనిమిది దీర్ఘహంసలు చేయండి.  
ఇప్పుడు ఆజ్ఞా పాజిటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. ఇరువది దీర్ఘహంసలు చేయండి.  
ఆజ్ఞా పాజిటివ్ చక్రమును వ్యష్టిలో వితలలోకము, సమిష్టిలో తపో లోకము అంటారు. 
పాలసముద్రములాంటికాంతి అనుభూతి కలుగును.  
జాగృతిచెందిన కుండలినీ శక్తి  సాధనలో ఆజ్ఞా పాజిటివ్ చక్రమును తాకటము వలననూ,  పరమాత్మకి ఒక్క అడుగు వెనక ఉండుటవలననూ  ఆచక్రమును వెనకటిఅద్రి వెంకటాద్రి అంటారు.
ఆజ్ఞాచక్రము మహాభారతములో శ్రీకృష్ణునికి  ప్రతీక. శ్రీకృష్ణుడు మనలోని కామ, క్రోధ, లోభ, మోహ, మద, మాత్సర్యాలనే విషతుల్యమైన అరిషడ్వర్గాలయొక్క విషమును తీయుటకు   తోడ్పడతాడు.
ఇక్కడి సాధన పరాశక్తిని బలోపేతము చేస్తుంది.  ధ్యానఫలమును ఓం శ్రీఈశ్వరార్పణమస్తు అని ఆ అధిదేవతకు అర్పించాలి.
ఇప్పుడు సహస్రారచక్రము(Tense)చేసి దాని మీద మనస్సు ఉంచాలి. లింగముద్ర వేసికోవాలి. ఇరువదిఒకటి దీర్ఘహంసలు చేయండి.  
సహస్రారచక్రమును వ్యష్టిలో అతలలోకము, సమిష్టిలో సత్య లోకము అంటారు. 
పాలసముద్రములాంటికాంతి అనుభూతి కలుగును.  
జాగృతిచెందిన కుండలినీశక్తి  సాధనలో సహస్రారచక్రమును తాకటము వలననూ,  పరమాత్మస్థానమగుటవలననూ  ఆచక్రము ను నారాయణాద్రి అంటారు.
సాధకుడు ఇక్కడ కేవలము సాక్షీభూతుడగుతాడు. 
ధ్యానఫలమును ఓం సద్గురు శ్రీయోగానందస్వామిదేవార్పణమస్తు అని ఆ అధిదేవతకు అర్పించాలి.
ఈక్రింద పొందుపరచిన పట్టికని చూడండి.
మహాభారతం
చక్రము
  తిరుపతి
బాలాజీచరిత్ర
    సమాధి
సహదేవ
మూలాధార
శేషాద్రి
సవితర్క సంప్రజ్ఞాత
నకుల
స్వాధిష్ఠాన
వేదాద్రి
సవిచార సంప్రజ్ఞాత
     (సామీప్య)
అర్జున
మణిపుర
గరుడాద్రి
సానంద సంప్రజ్ఞాత
     (సాలోక్య )
భీమ
అనాహత
అంజనాద్రి
సస్మిత  సంప్రజ్ఞాత
     (సాయుజ్య )
యుధిష్ఠిరుడు
విశుద్ధ 
వృషభాద్రి
 అసంప్రజ్ఞాత
  (సారూప్య)
శ్రీకృష్ణ
ఆజ్ఞా (కూటస్థ)
వేంకటాద్రి
       సవికల్ప
       (స్రష్ట)
పరమాత్మ
సహస్రార
నారాయణాద్రి
    నిర్వికల్ప
 ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.

6) చక్రములలో బీజాక్షర ధ్యానము:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.

మూలాధారచక్రము నుండి మొదలు పెట్టాలి.  ఒక్కొక్క చక్రములో దాని సంబధిత బీజాక్షరము ఉచ్ఛరించాలి.
మూలాధారచక్రములోలంస్వాధిస్ఠానములో వం, మణిపురము లోరమ్, అనాహతలోయం, విశుద్ధలో హమ్, ఆజ్ఞానెగటివ్ మరియు ఆజ్ఞా పాజిటివ్ లలోఓం, సహస్రారచక్రములోరాం అనే బీజాక్షరములుచ్ఛరించాలి.
ఈక్రింద ఆయాచక్రములలో వచ్చుసమాదులపట్టిక, ఉచ్ఛరించ వలసిన బీజాక్షరము, మొదలగునవి  ఇవ్వబడినది. గమనించ వలసినది.

చక్రము, 
ముద్ర 
బీజాక్షరం ఫలితం,
  
ఎన్నిసార్లు ఉచ్ఛరించాలి
రంగు,రుచి,శబ్దం,దళములు
సమాధి
మూలాధార
పృథ్వీ


లం, ఇచ్ఛా
శక్తి
నాలుగు
పసుపు, తియ్యటి పండు మాదిరి, భ్రమరం, నాలుగు
సవితర్క సంప్రజ్ఞాత
స్వాధిస్ఠాన,
వరుణ 
 వం, క్రియా
శక్తి
ఆరు
ధవళ, మాదిరి చేదు, పిల్లనగ్రోవి, ఆరు
సవిచార లేక సామీప్య
మణిపుర,  అగ్ని

రమ్
జ్ఞానశక్తి
పది
ఎరుపు, చేదు, వీణ, పది
సానంద లేక సాలోక్య
అనాహత,  
వాయు
యం
బీజశక్తి,
పన్నెండు
నీలం, పులుపు, గుడిగంట, పన్నెండు
సస్మిత సంప్రజ్ఞాత లేక సాయుజ్య
విశుద్ధ, ఆకాశ,  

 ‘హమ్
ఆదిశక్తి,
  పదహారు
పాలమేఘం, కటిక చేదు, ప్రవాహ, పదహారు
అ సంప్రజ్ఞాత లేక సారూప్య
ఆజ్ఞా
నెగటివ్
జ్ఞాన
 ‘ఓం పరాశక్తి,
  పదునెనిమిది


ఆజ్ఞా పాజిటివ్
జ్ఞాన
ఓం పరాశక్తి,
ఇరువది
మిరుమిట్లుగొలిపే ప్రకాశము, రెండు.
సవికల్ప లేక స్రష్ఠ
సహస్రార
లింగ
రాం
పరమాత్మ
ఇరువది ఒకటి
సాక్షీభూతుడు
నిర్వికల్ప

ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.

7) అంతః కుంభకము మరియు బాహ్య కుంభకము:
పృధ్వీముద్ర వేసికోవాలి. మూలాధారచక్రము టెన్స్(Tense)చేసి దాని మీద మనస్సు ఉంచాలి. దీర్ఘముగా శ్వాస తీసుకోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా నాలుగు అంతః కుంభకములు మరియు నాలుగు బాహ్య కుంభకములు చేయాలి.    
ఇప్పుడు స్వాధిష్ఠానచక్రము(Tense)చేసి దానిమీద మనస్సు ఉంచాలి. వరుణముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా ఆరు అంతః కుంభకములు మరియు ఆరు బాహ్య కుంభకములు చేయాలి.    
ఇప్పుడు మణిపురచక్రము(Tense)చేసి దాని మీద మనస్సు ఉంచాలి. అగ్నిముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా పది అంతః కుంభకములు మరియు పది బాహ్య కుంభకములు చేయాలి.    
ఇప్పుడు అనాహతచక్రము(Tense)చేసి దాని మీద మనస్సు ఉంచాలి. వాయుముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా పన్నెండు అంతః కుంభకములు మరియు పన్నెండు బాహ్య కుంభకములు చేయాలి.  
ఇప్పుడు విశుద్ధచక్రము(Tense)చేసి దాని మీద మనస్సు ఉంచాలి. ఆకాశ లేక శూన్యముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా పదహారు అంతః కుంభకములు మరియు పదహారు బాహ్య కుంభకములు చేయాలి.
ఇప్పుడు ఆజ్ఞా నెగటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా పదునెనిమిది అంతః కుంభకములు మరియు పదునెనిమిది బాహ్య కుంభకములు చేయాలి.
ఇప్పుడు ఆజ్ఞా పాజిటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా ఇరువది అంతః కుంభకములు మరియు ఇరువది బాహ్య కుంభకములు చేయాలి.
ఇప్పుడు సహస్రారచక్రము(Tense)చేసి దాని మీద మనస్సు ఉంచాలి. లింగముద్ర వేసికోవాలి. తన సామర్థ్యమునుబట్టి శ్వాసని అంతః కుంభకము చేసి అట్టేబెట్టాలి. ఇప్పుడు దీర్ఘముగా నిశ్వాస చేయాలి. తన సామర్థ్యమునుబట్టి శ్వాసని బాహ్య కుంభకము చేసి అట్టేబెట్టాలి. ఈ విధముగా ఇరువదిఒకటి అంతః కుంభకములు మరియు ఇరువదిఒకటి బాహ్య కుంభకములు చేయాలి.
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.

8) అయిదు సూక్ష్మశరీరములను వ్యక్తీకరించుట, వాటిలో సంచిత కర్మలను అనుభవించుట:
పృధ్వీముద్ర వేసికోవాలి. మూలాధారచక్రము టెన్స్(Tense)చేసి దాని మీద మనస్సు ఉంచాలి. నాలుగు దీర్ఘహంసలు చేయండి. 
ఇప్పుడు స్వాధిష్ఠానచక్రము(Tense)చేసి దానిమీద మనస్సు ఉంచాలి. వరుణముద్ర వేసికోవాలి. ఆరు దీర్ఘహంసలు చేయండి.  
ఇప్పుడు మణిపురచక్రము(Tense)చేసి దాని మీద మనస్సు ఉంచాలి. అగ్నిముద్ర వేసికోవాలి. పది దీర్ఘహంసలు చేయండి. 
ఇప్పుడు అనాహతచక్రము(Tense)చేసి దాని మీద మనస్సు ఉంచాలి. వాయుముద్ర వేసికోవాలి. పన్నెండు దీర్ఘహంసలు చేయండి. 
ఇప్పుడు విశుద్ధచక్రము(Tense)చేసి దాని మీద మనస్సు ఉంచాలి. ఆకాశ లేక శూన్యముద్ర వేసికోవాలి. పదహారు దీర్ఘహంసలు చేయండి.  .
ఇప్పుడు ఆజ్ఞా నెగటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. పదునెనిమిది దీర్ఘహంసలు చేయండి.  
ఇప్పుడు ఆజ్ఞా పాజిటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. ఇరువది దీర్ఘహంసలు చేయండి.
ఇప్పుడు సహస్రారచక్రము(Tense)చేసి దాని మీద మనస్సు ఉంచాలి. లింగముద్ర వేసికోవాలి. ఇరువదిఒక్క దీర్ఘహంసలు చేయండి.
ఇప్పుడు హ హ అని రేచకము చేయాలి.
మొదటి సూక్ష్మశరీరమును వ్యక్తీకరణ చేశాను. రెండవ సూక్ష్మశరీరమును వ్యక్తీకరణ చేశాను. మూడవ సూక్ష్మశరీరమును వ్యక్తీకరణ చేశాను. నాలుగవ సూక్ష్మశరీరమును వ్యక్తీకరణ చేశాను. అయిదవ సూక్ష్మశరీరమును వ్యక్తీకరణ చేశాను.  అలా   అయిదు సూక్ష్మశరీరములను దృఢమైన నమ్మకముతో వ్యక్తీకరణ చేయాలి. అయిదు కంటే ఎక్కువ చేయకూడదు. నా సంచిత కర్మలన్నియు ఈ వ్యక్తీకరించిన సూక్ష్మశరీరములలో అనుభవిస్తున్నాననే దృఢమైన నమ్మకముతో ఉండాలి. 
ఇప్పుడు మనస్సులో ఈవిధముగా చెప్పుకోవాలి.
ఓ కర్మసిద్దాంతమా, నేను నా దివ్యదృష్టిలో తీవ్ర ఏకాగ్రత మరియు దివ్య చేతనలతో అయిదు సూక్ష్మశరీరములను వ్యక్తీకరణ చేశాను. నా సంచిత కర్మలన్నియు ఈ వ్యక్తీకరించిన అయిదు సూక్ష్మ శరీరము లలో అనుభవించితిని. ఇప్పుడు నేను ముక్తుడ్ని.
ఈవిధముగా అయిదు పర్యాయములు చెప్పవలయును.
ఇప్పుడు ఓం ఆధి భౌతిక శాంతి, ఓం ఆధి దైవిక  శాంతి, ఓం ఆధ్యాత్మిక శాంతి, ఓంపృథివిశ్శాంతి,  ఓం ఆపః శాంతి,  ఓం తేజోశ్శాంతి, ఓం వాయుశ్శాంతి, ఓం ఆకాశోశ్శాంతి, ఓం అంతరిక్షోశ్శాంతి, ఓం వనస్పతయఃశాంతి, ఓం ఔషధయఃశాంతి, ఓం శాంతి రేవశాంతి, ఓం శాంతిః, ఓం శాంతిః, ఓం శాంతిః. అని చెప్పుకోవాలి.
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.
9) చక్రస్పందన మరియు సమాధి:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.
పృధ్వీముద్ర వేసికోవాలి. మూలాధారచక్రము టెన్స్(Tense)చేసి,  దాని మీద మనస్సు ఉంచాలి. గడియారము ముల్లుకు అను గుణము(Clockwise)గా నిలువు (Vertical)గా నాలుగుపర్యాయ ములు, వ్యతిరేకము (Anticlockwise) గా నాలుగు పర్యాయములు, అదేవిధముగా గడియారము ముల్లుకు అనుగుణము (Clockwise) గా సమము(Horizontal)గా నాలుగు పర్యాయములు, వ్యతిరేకము (Anticlockwise)గా నాలుగు పర్యాయములు,  ఆచక్రమును  త్రిప్పాలి. నాలుగు దీర్ఘహంసలు చేయండి. 
ఇప్పుడు స్వాధిష్ఠానచక్రము(Tense)చేసి దానిమీద మనస్సు ఉంచాలి. వరుణముద్ర వేసికోవాలి. గడియారము ముల్లుకు అనుగుణము (Clockwise)గా నిలువు (Vertical)గా ఆరు పర్యాయములు, వ్యతిరేకము (Anticlockwise) గా ఆరు పర్యాయములు, అదేవిధముగా గడియారము ముల్లుకు అనుగుణము (Clockwise) గా సమము(Horizontal)గా ఆరు పర్యాయములు, వ్యతిరేకము (Anticlockwise)గా ఆరు పర్యాయములు,  ఆచక్రమును  త్రిప్పాలి. ఆరు దీర్ఘహంసలు చేయండి. 
ఇప్పుడు మణిపురచక్రము(Tense)చేసి దాని మీద మనస్సు ఉంచాలి. అగ్నిముద్ర వేసికోవాలి. గడియారము ముల్లుకు అనుగుణము (Clockwise)గా నిలువు (Vertical)గా పది పర్యాయములు, వ్యతిరేకము (Anticlockwise)గా పది పర్యాయములు, అదేవిధము గా గడియారము ముల్లుకు అనుగుణము (Clockwise)గా సమము (Horizontal)గా పది పర్యాయములు, వ్యతిరేకము (Anticlock wise)గా పది పర్యాయములు,  ఆచక్రమును  త్రిప్పాలి. పది దీర్ఘహంసలు చేయండి
ఇప్పుడు అనాహతచక్రము(Tense)చేసి దాని మీద మనస్సు ఉంచాలి. వాయుముద్ర వేసికోవాలి. గడియారము ముల్లుకు అనుగుణము (Clockwise)గా నిలువు (Vertical)గా పన్నెండు పర్యాయములు, వ్యతిరేకము (Anticlockwise)గా పన్నెండు పర్యాయములు, అదే విధముగా గడియారము ముల్లుకు అనుగుణము (Clockwise)గా సమము (Horizontal)గా పన్నెండు పర్యాయములు, వ్యతిరేకము (Anticlock wise)గా పన్నెండు పర్యాయములు,  ఆచక్రమును  త్రిప్పాలి. పన్నెండు దీర్ఘహంసలు చేయండి

ఇప్పుడు విశుద్ధచక్రము(Tense)చేసి దాని మీద మనస్సు ఉంచాలి. ఆకాశ లేక శూన్యముద్ర వేసికోవాలి. గడియారము ముల్లుకు అను గుణము (Clockwise)గా నిలువు (Vertical)గా పదహారు పర్యాయ ములు, వ్యతిరేకము (Anticlockwise)గా పదహారు పర్యాయములు, అదే విధముగా గడియారము ముల్లుకు అనుగుణము (Clockwise) గా సమము (Horizontal)గా పదహారు పర్యాయములు, వ్యతిరేకము (Anticlock wise)గా పదహారు పర్యాయములు,  ఆచక్రమును  త్రిప్పాలి. పదహారు దీర్ఘహంసలు చేయండి
ఇప్పుడు ఆజ్ఞా నెగటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. గడియారము ముల్లుకు అను గుణము (Clockwise)గా నిలువు (Vertical)గా పదునెనిమిది పర్యాయ ములు, వ్యతిరేకము (Anticlockwise)గా పదునెనిమిది పర్యాయములు, అదే విధముగా గడియారము ముల్లుకు అనుగుణము (Clockwise) గా సమము (Horizontal)గా పదునెనిమిది పర్యాయములు, వ్యతిరేకము (Anticlock wise)గా పదునెనిమిది పర్యాయములు,  ఆచక్రమును  త్రిప్పాలి. పదునెని మిది దీర్ఘహంసలు చేయండి
ఇప్పుడు ఆజ్ఞా పాజిటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. గడియారము ముల్లుకు అను గుణము (Clockwise)గా నిలువు (Vertical)గా ఇరువది పర్యాయ ములు, వ్యతిరేకము (Anticlockwise)గా ఇరువది పర్యాయములు, అదే విధముగా గడియారము ముల్లుకు అనుగుణము (Clockwise) గా సమము (Horizontal)గా ఇరువది పర్యాయములు, వ్యతిరేకము (Anticlock wise)గా ఇరువది పర్యాయములు,  ఆచక్రమును  త్రిప్పాలి ఇరువది దీర్ఘహంసలు చేయండి
ఇప్పుడు సహస్రారచక్రము(Tense)చేసి దాని మీద మనస్సు ఉంచాలి. లింగముద్ర వేసికోవాలి. గడియారము ముల్లుకు అనుగుణము (Clockwise)గా నిలువు(Vertical)గా ఇరువదిఒక్క పర్యాయ ములు, వ్యతిరేకము (Anticlockwise)గా ఇరువదిఒక్క పర్యాయము లు, అదేవిధముగా గడియారము ముల్లుకు అనుగుణము (Clock wise)గా సమము (Horizontal)గా ఇరువదిఒక్క పర్యాయములు, వ్యతిరేకము (Anticlock wise)గా ఇరువదిఒక్క పర్యాయములు,  ఆచక్రమును  త్రిప్పాలి. ఇరువదిఒక్కదీర్ఘహంసలు చేయండి.
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.
10)సమాధి మరియు విస్తరణ క్రియ:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.

ఒక అఱచేయి ఇంకొక అఱచేయిపైన ఉంచి అఱ నిమిషము రుద్దాలి. ఆకాశము వైపు చూపిస్తూ ఇలా చెప్పాలి:
ఓ నా స్థూలశరీరమందున్న విశ్వపరమాత్మ చైతన్యమా, నమస్కారము, నాకు ఆరోగ్యము ప్రసాదించు.
ఓ బ్రహ్మాండమందున్న విరాట్ స్థూలపరమాత్మ చైతన్యమా, నమస్కారము, నాస్థూలశరీరమందున్న విశ్వపరమాత్మ చైతన్య మును నీ విరాట్ స్థూలపరమాత్మ చైతన్యముతో కలవనీ.
ఇప్పుడు రెండు హస్తములు టెన్స్ (Tense) చేసి ఆకాశము వైపు చూపిస్తూ ఇలా చెప్పాలి:
ఓ నా సూక్ష్మశరీరమందున్న తేజస్ పరమాత్మ చైతన్యమా, నమస్కారము, నాకు శక్తి, బలము ప్రసాదించు.
ఓ బ్రహ్మాండమందున్న హిరణ్యగర్భ సూక్ష్మ పరమాత్మ చైతన్యమా, నమస్కారము, నా సూక్ష్మశరీరమందున్న తేజస్ పరమాత్మ చైతన్య మును నీ హిరణ్యగర్భ సూక్ష్మ పరమాత్మ చైతన్యముతో కలవనీ.
ఒక అఱచేయి ఇంకొక అఱచేయిపైన ఉంచి అఱ నిమిషము రుద్దాలి. ఆకాశము వైపు చూపిస్తూ ఇలా చెప్పాలి:
ఓ నా కారణశరీరమందున్న ప్రాజ్ఞా పరమాత్మ చైతన్యమా, నమస్కారము, నాకు ఇచ్ఛాశక్తి, శుద్ధచైతన్యము, జ్ఞానము  ప్రసాదించు.
ఓ బ్రహ్మాండమందున్న ఈశ్వర కారణ పరమాత్మ చైతన్యమా, నమస్కారము, నా కారణశరీరమందున్న ప్రాజ్ఞా పరమాత్మ చైతన్య మును నీ ఈశ్వర కారణ పరమాత్మ చైతన్యముతో కలవనీ.
కూటస్థములో దృష్టి నిలపాలి. ఇలా చెప్పుకోవాలి:
నాలోని విశ్వ స్థూల పరమాత్మ చైతన్యము  విరాట్ స్థూల పరమాత్మ చైతన్యముతో కలిసిపోయినది.  నాలోని తేజస్ సూక్ష్మ పరమాత్మ చైతన్యము హిరణ్యగర్భ సూక్ష్మ పరమాత్మ చైతన్యముతో కలిసి పోయినది.  నాలోని ప్రాజ్ఞ కారణ పరమాత్మ చైతన్యము  ఈశ్వర కారణ పరమాత్మ  చైతన్యముతో కలిసిపోయినది.
నాలోని  స్థూల చైతన్యము ఇంద్రియ చైతన్యముతో కలిసిపోయినది.  ఇంద్రియ చైతన్యము మనస్సు చైతన్యముతో కలిసిపోయినది. మనస్సు చైతన్యము బుద్ధిచైతన్యముతో కలిసిపోయినది. బుద్ధిచైతన్యము చిత్తచైతన్యముతో కలిసిపోయినది.  చిత్తచైతన్యము అహం చైతన్యముతో కలిసిపోయినది. అహం చైతన్యము ఆత్మ చైతన్యముతో కలిసిపోయినది. ఆత్మ చైతన్యము పరమాత్మ చైతన్యముతో కలిసిపోయినది.
మనస్సులో ఇలా అనుకోవాలి:
నేను శరీరముకాను. చైతన్య స్వరూపమును. నా చేతనే ఈ నా శరీరములో శిరస్సునుండి నాకాలి వ్రేళ్ళవరకు వ్యాపించియున్నది. ఇప్పుడు ఈ గది అంతా వ్యాపించియున్నది నా చేతనే. నా చేతన ఈ పట్టణమంతా వ్యాపించుచున్నది. ఇప్పుడు నా చేతన ఈ జిల్లా అంతా  వ్యాపించుచున్నది. ఇప్పుడు నా చేతన ఈ రాష్ట్రమంతా  వ్యాపించు చున్నది. భారతదేశమంతా  వ్యాపించుచున్నది. ఆసియా ఖండ మంతా  వ్యాపించుచున్నది. ఇప్పుడు నా చేతన యూరప్, ఆర్కిటికా, అంటార్కిటికా, ఆస్ట్రేలియా, ఆఫ్రికా, ఉత్తర మరియు దక్షిణ అమెరికాలు వ్యాపించినది. సమస్త భూగోళమంతా వ్యాపించినది. నా చేతన ఇప్పుడు మంగళ, బుధ, బృహస్పతి, శుక్ర, శని సమస్త సౌర మండలము వ్యాపించినది.
ఇప్పుడు నా చేతన శ్రీ కృష్ణచైతన్యముతో కలిసిపోయినది.  శ్రీ కృష్ణచైతన్యముపరమాత్మచైతన్యముతో కలిసిపోయినది. 
అందరి మనస్సు నా మనస్సే, ఈ నదులు, సముద్రాలు అన్నీ నా రక్తమే. సమస్త నక్షత్రమండలములూ నా శరీరములోని జీవకణము లు. నాలోని ఎముకలే ఈ కొండలు పర్వతాలే. నేను దేశరహితుడ్ని. కాలరహితుడ్ని. నేను మంగళస్వరూపుడ్ని.  నేను ఆనంద స్వరూపుడ్ని.
శివోహం, శివోహం, శివోహం,
ఆనందోహం, ఆనందోహం, ఆనందోహం, సచ్చిదానందోహం
అహం బ్రహ్మాస్మి,     అహం బ్రహ్మాస్మి,  అహం బ్రహ్మాస్మి.  
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.

11) శరీరమును ఆరోగ్యపూరితము చేయు క్రియ:
తూర్పు లేదా ఉత్తర దిక్కును చూస్తూ మేరుదండమును మరియు మెడను నిఠారుగా ఉంచుకొని, వజ్రాసనములో, పద్మాసనములో, లేదా సుఖాసనములో, జ్ఞానముద్ర లేదా లింగముద్ర లోగాని కూర్చుండ వలయును. కొంచెము రిలాక్స్ (Relax)అవ్వాలి.   కూటస్థములో దృష్టి నిలిపి ఖేచరీ ముద్రలో ఉండాలి.

పృధ్వీముద్ర వేసికోవాలి. మూలాధారచక్రము టెన్స్(Tense)చేసి దాని మీద మనస్సు ఉంచాలి. నాలుగు దీర్ఘహంసలు చేయండి. 
ఇప్పుడు స్వాధిష్ఠానచక్రము(Tense)చేసి దానిమీద మనస్సు ఉంచాలి. వరుణముద్ర వేసికోవాలి. ఆరు దీర్ఘహంసలు చేయండి.  
ఇప్పుడు మణిపురచక్రము(Tense)చేసి దాని మీద మనస్సు ఉంచాలి. అగ్నిముద్ర వేసికోవాలి. పది దీర్ఘహంసలు చేయండి. 
ఇప్పుడు అనాహతచక్రము(Tense)చేసి దాని మీద మనస్సు ఉంచాలి. వాయుముద్ర వేసికోవాలి. పన్నెండు దీర్ఘహంసలు చేయండి. 
ఇప్పుడు విశుద్ధచక్రము(Tense)చేసి దాని మీద మనస్సు ఉంచాలి. ఆకాశ లేక శూన్యముద్ర వేసికోవాలి. పదహారు దీర్ఘహంసలు చేయండి.  .
ఇప్పుడు ఆజ్ఞా నెగటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. పదునెనిమిది దీర్ఘహంసలు చేయండి.  
ఇప్పుడు ఆజ్ఞా పాజిటివ్ చక్రము(Tense)చేసి దాని మీద మనస్సు ఉంచాలి. జ్ఞానముద్ర వేసికోవాలి. ఇరువది దీర్ఘహంసలు చేయండి.
ఇప్పుడు సహస్రారచక్రము(Tense)చేసి దాని మీద మనస్సు ఉంచాలి. లింగముద్ర వేసికోవాలి. ఇరువదిఒక్క దీర్ఘహంసలు చేయండి.
ఇప్పుడు హ హ అని రేచకము చేయాలి.
మనస్సులో ఇలా అనుకోవాలి:
నేను నా శరీరమును చిన్న చిన్న అణువుల క్రింద విభాజించు కున్నాను. వాటిలో వ్యాధిగ్రస్తమయిన, రోగపూరితమయిన, జడ మయిన అణువులను పరమాత్మ అనుమతితో బ్రహ్మాండములో కలిపితిని. పరమాత్మ అనుమతితో బ్రహ్మాండములోని ఉత్సాహ పూరితమయిన, ఆరోగ్యకరమైన అణువులను వెనకటి అణువులతో కలిపి క్రియాయోగ ధ్యానమునకు అనుగుణ్యమైన శరీరమును పునర్నిర్మాణం గావించుకున్నాను.
శివోహం, శివోహం, శివోహం,
ఆనందోహం, ఆనందోహం, ఆనందోహం, సచ్చిదానందోహం
అహం బ్రహ్మాస్మి,     అహం బ్రహ్మాస్మి,  అహం బ్రహ్మాస్మి.  
ఆ పిమ్మట కూటస్థములో లేక సహస్రారములో దృష్టి నిలిపి  లింగ ముద్ర లేక జ్ఞానముద్ర వేసికొని     ఖేచరీముద్రలో  ధ్యానం చేయాలి.






No comments:

Post a Comment